News

പാപ്പയ്ക്ക് യു.എ.ഇയുടെ ആദരം; 2022ൽ തുറക്കും ‘എബ്രഹാമിക് ഫാമിലി ഹൗസ്’

Added On: Nov 19, 2019

അബുദാബി: അളവറ്റ ഹൃദയവിശാലതയുടെയും സഹിഷ്ണുതയുടെയും പര്യായമായി യു.എ.ഇ ഭരണകൂടം. ഫ്രാൻസിസ് പാപ്പയോടുള്ള ആദരവായും പേപ്പൽ പര്യടനത്തിനിടെ ഒപ്പുവെച്ച മാനവ സാഹോദര്യ രേഖയുടെയും സ്മരണയ്ക്കായും ഒരു കുടക്കീഴിൽ ഉയരുന്നത് മൂന്ന് ആരാധനാലയങ്ങൾ.

സാദിയാത് ദ്വീപിലെ ‘എബ്രഹാമിക് ഫാമിലി ഹൗസിൽ’ ഒരുക്കുന്ന ക്രൈസ്തവ, ജൂത, മുസ്ലീം ആരാധനാലയ സമുച്ചയത്തിന്റെ നിർമാണം 2022ൽ പൂർത്തിയാകുമെന്നാണ് റിപ്പോർട്ടുകൾ. പ്രശസ്ത ആർക്കിടെക്റ്റ് സർ ഡേവിഡ് അഡ്ജയേയുടെ രൂപകൽപ്പനയിലാണ് നിർമാണം. യു.എ.ഇയുടെ സഹിഷ്ണുതയുടെ അടയാളമായിരിക്കും സാദിയാത് ദ്വീപിലെ എബ്രഹാമിക് ഫാമിലി ഹൗസ്.

എല്ലാവർക്കും പ്രവേശനം അനുവദിക്കും. ഓരോ ആരാധനാലയം സന്ദർശിക്കാനും പ്രാർത്ഥനകളെക്കുറിച്ച് മനസിലാക്കാനും പങ്കെടുക്കാനും അവസരമുണ്ടാകും. എല്ലാവർക്കും ഒരുമിച്ചിരിക്കാനുള്ള സ്ഥലവും സമുച്ചയത്തിന്റെ ഭാഗമായി നിർമിക്കുന്നുണ്ട്.

2019 ഫെബ്രുവരിയിലായിരുന്നു പാപ്പയുടെ യു.എ.ഇ പര്യടനം. പേപ്പൽ പര്യടനത്തിന്റെ ഓർമയ്ക്കായി അബുദാബിയിൽ പുതിയ ക്രൈസ്തവ ദൈവാലയവും മതാന്തര സംവാദത്തിൽ പങ്കെടുക്കാൻ എത്തിയ അൽ അസർ യൂണിവേഴ്സിറ്റി ഗ്രാൻഡ് ഇമാമായ അഹ്മദ് അൽ തയാബിന്റെ പേരിൽ ഒരു മോസ്‌കും നിർമിക്കുമെന്ന് 2019 ഫെബ്രുവരിയിൽതന്നെ യു.എ.ഇ പ്രഖ്യാപിച്ചിരുന്നു.

എന്നാൽ അന്ന്, സിനഗോഗിന്റെ കാര്യം പറഞ്ഞിരുന്നില്ല. മൂന്ന് മതങ്ങളും പൂർവപിതാവായ അബ്രഹാമിന് നൽകുന്ന പ്രാധാന്യമാകും ‘എബ്രഹാമിക് ഫാമിലി ഹൗസ്’ എന്ന പേര് പദ്ധതിക്ക് നൽകാൻ കാരണം.

അബുദാബി കിരീടാവകാശി ഷെയ്ഖ് മുഹമ്മദ് ബിൻ സായിദും യു.എ.ഇ വൈസ് പ്രസിഡന്റും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദും ചേർന്നാണ് ഇതുസംബന്ധിച്ച കരാറിൽ ഒപ്പുവെക്കുകയും ചെയ്തു. ദൈവാലയത്തിന് നൽകുന്നത് വിശുദ്ധ ഫ്രാൻസിസിന്റെ നാമധേയമാകുമെന്ന് റിപ്പോർട്ടുകളുണ്ട്.

 

sundayshalom

News updates
Added On: 19-Sep-2020
കൊച്ചി∙ കേരളത്തില്‍ ഐഎസ് ഭീകരരുടെ സാന്നിധ്യമുണ്ടെന്ന് യുഎന്‍ റിപ്പോര്‍ട്ട് വരികയും കേന്ദ്രസര്‍ക്കാര്‍ ഇക്കാര്യം പാര്‍ലമെന്റില്‍ സ്ഥിരീകരിക്കുകയും ചെയ്തതിനു…
Read More
Added On: 08-Sep-2020
മെല്‍ബണ്‍/വത്തിക്കാന്‍ സിറ്റി: കുമ്പസാരമെന്ന കൂദാശയുടെ രഹസ്യസ്വഭാവം കാത്തു സൂക്ഷിക്കുമെന്ന് ആവര്‍ത്തിച്ച് ഓസ്ട്രേലിയൻ സർക്കാരിനോട് വത്തിക്കാൻ. 2017ൽ ബാല…
Read More
Added On: 05-Sep-2020
അട്ടപ്പാടി: കേരള സമൂഹത്തിലെ എല്ലാ സംവിധാനങ്ങളിലും തീവ്രചിന്താഗതിക്കാർ നടത്തിയ കടന്നുകയറ്റത്തിനെതിരെയും ന്യുനപക്ഷക്ഷേമ പദ്ധതികളിലെ അനീതിക്കെതിരെയും സ്വരമുയര്‍ത്തിയുള്ള…
Read More
View All News
© Copyright 2019 Powered by Webixels | Privacy Policy